Oljas Bektenov Almatydaǵy jylý elektr ortalyǵynyń jumys qarqynyn synǵa aldy
ASTANA.KAZINFORM – QR Premer-mınıstri Oljas Bektenov Úkimet otyrysynda elimizdegi birqatar energetıkalyq nysandardyń qurylys barysyna toqtaldy.
Úkimet basshysynyń sózinshe, ekonomıkanyń damýy elimizdi odan ári ındýstrııalandyrý men tsıfrlandyrý, sondaı-aq, ınfraqurylymǵa degen ósip kele jatqan suranysty qamtamasyz etý úshin energetıkalyq qýatty arttyrýdy talap etedi.
– Energetıka mınıstrligi men «Samuryq-Qazyna» qorynyń basshylary Almaty elektr stantsııalary men Túrkistan oblysyndaǵy bý-gaz qondyrǵysynyń ýaqytyly iske qosylýyna tikeleı jaýap beretinin taǵy da eske salamyn. «Samruq-Energonyń» basshysy, Qaırat Maqsutov. Ótken aptada Energetıka mınıstri Almatyǵa baryp, ekinshi jáne úshinshi jylý elektr ortalyǵyn tekserip keldi. Úshinshi jylý elektr ortalyǵy boıynsha jaǵdaı máz emes. Jumys qarqyny óte tómen. Eger jyldyń sońyna deıin bitirmeseńizder, sizdiń jeke qatań jaýapkershiligińiz qaralatyn bolady. Kúndelikti baqylaýǵa alyńyz. Mundaı jaǵdaıdy doǵarý kerek, – dedi ol.
Aıta keteıik, buǵan deıin jylýmen jáne elektr energııasymen qamtamasyz etý boıynsha ákimdikterge tapsyrma berilgenin jazǵanbyz.
