Oljas Bektenov Almatydaǵy JEO-3 qurylysyn ýaqytly aıaqtaýdy tapsyrdy
ASTANA. KAZINFORM – Premer-mınıstr Oljas Bektenov «Samuryq-Energo» AQ basqarma tóraǵasy Qaırat Maqsutovqa Almatydaǵy úshinshi Jylý elektr ortalyǵy qurylysyn ýaqytyly aıaqtaýdy tapsyrdy.
- Almatydaǵy úshinshi Jylý elektr ortalyǵy boıynsha maǵan túsken aqparatqa sáıkes, merzimderdi buzý faktileri bar. Esińizde ǵoı, bárin ýaqytyly aıaqtaýymyz qajet. Ol sizdiń jeke jaýapkershiligińiz, - dedi Úkimet basshysy.
Esterińizge sala ketsek, jyl basynda Energetıka mınıstri Erlan Aqkenjenov Almatyǵa jumys saparymen kelip, JEO-2 jáne JEO-3 qurylys alańdaryn aralap shyqty. Vedomstvo basshysy JEO-2 nysanynda oń dınamıka bar ekenin aıtsa, al JEO-3 qurylys alańyndaǵy jaǵdaıdy qatań synǵa aldy.
Mınıstr keı jumystardyń kesteden qalyp kele jatqanyn atap ótti. Aıta keterligi, bul ortalyq 2026 jyldyń sońyna deıin tolyq gazǵa aýysýy tıis.
