Oljas Bektenov Almaty qalasynyń aktıvine jańa ákimdi tanystyrdy
ALMATY. KAZINFORM – Memleket basshysynyń tapsyrmasy boıynsha Premer-mınıstr Oljas Bektenov pen Prezıdent Ákimshiliginiń basshysy Aıbek Dádebaı Almaty qalasy máslıhaty depýtattarynyń jınalysyna qatysty. Bul týraly Úkimettiń baspasóz qyzmeti habarlady.
Jınalys barysynda depýtattarǵa Memleket basshysynyń Almaty qalasynyń ákimi laýazymyna eki kandıdatty – Qazaqstan Respýblıkasy Prezıdentiniń Ákimshiligi Basshysynyń birinshi orynbasary Darhan Satybaldy men Almaty qalasy ákiminiń orynbasary Beıbit Shahanovty usyný týraly haty oqyldy.
Ashyq daýys berý qorytyndysy boıynsha 32 depýtattyń 23-i Darhan Satybaldynyń kandıdatýrasyna daýys berdi. Beıbit Shahanovtyń kandıdatýrasyn 9 depýtat jaqtady. QR Prezıdentiniń tıisti Jarlyǵymen Darhan Satybaldy Almaty qalasynyń ákimi bolyp taǵaıyndaldy.
Qala aktıvimen kezdesýde Premer-mınıstr Memleket basshysy Qasym-Jomart Toqaevtyń atynan Erbolat Dosaevqa qalanyń qarjy-ekonomıkalyq áleýetin damytý jónindegi belsendi jumysy úshin alǵysyn bildirdi.
2024 jyly qalanyń Qazaqstannyń JІÓ-ge qosqan úlesi 21,8%-ǵa deıin ósti. Megapolıste Prezıdenttiń tapsyrmasy boıynsha bıýdjetti ortalyqsyzdandyrý, abattandyrý, jańa áleýmettik nysandar salý jáne t. b. jumystar júrgizilip jatyr.
Oljas Bektenov Almaty qalasynyń jańa ákimi Darhan Satybaldyny tanystyrdy.
Premer-mınıstr Memleket basshysynyń Almaty ákimdiginiń aldyna qalanyń áleýmettik-ekonomıkalyq damýyn qamtamasyz etý jáne ekonomıka qurylymyn ártaraptandyrý, ınjenerlik ınfraqurylymdy odan ári jańǵyrtý jáne qoǵamdyq keńistikterdi keńeıtý boıynsha mindetter qoıylǵanyn atap ótti.
Sondaı-aq, jol-kólik júıesi, ekologııa, óńdeý ónerkásibi, týrızm, IT-sektor, kreatıvti ındýstrııa salasynda tapsyrmalar berildi.
Darhan Satybaldy Almaty qalasynyń ákimi bolyp taǵaıyndalǵanyn jazǵan bolatynbyz.
Erbolat Dosaev Almaty qalasynyń ákimi qyzmetinen ketti.