Oljas Bektenov: 2026 jyly egis alqaptaryna kem degende 2,3 mıllıon tonna mıneraldy tyńaıtqysh sebýimiz kerek
ASTANA. KAZINFORM – Premer-mınıstr Oljas Bektenov Úkimet otyrysynda kelesi jylǵy egis naýqanyna daıyndyqty kúsheıtýdi tapsyrdy.
- Kelesi egin egý naýqanyna daıyndyqty qazirden bastaý kerek. Oblys ákimdikteri 2026-shy jyly keminde 2,3 mıllıon tonna mıneraldy tyńaıtqysh sebýdi qamtamasyz etýleri qajet.
Ónerkásip mınıstrligi eginshilerge qajetti tyńaıtqysh kólemin otandyq ónim óndirýshilermen aldyn ala pysyqtap alǵany jón.
Ákimdikter tyńaıtqyshtardy jetkizý úshin ýaqtyly shartqa otyryp, qoımalarda olardyń jetkilikti qoryn qamtamasyz etsin, - dedi ol.
Oljas Bektenov «Báıterek» holdıngi kóktemgi egis jáne egin jınaý jumystaryn erte qarjylandyrýdy bastap ketkenin eske slady.
- Osyǵan baılanysty aýyl sharýashylyǵy taýaryn óndirýshilerdi barynsha qamtý úshin qarjylandyrýdyń qolda bar quraldaryn tıimdi jáne ashyq paıdalanýdy qamtamasyz etýdi tapsyramyn, - dedi Úkimet basshysy.
Aıta keteıik, Qazaqstan bıyl 17 mln gektar alqaptan 27,1 mln tonna astyq aldy.