Oljas Altaev «Qaısardyń» qataryna qaıta qosyldy
QYZYLORDA. QazAqparat - Qyzylordanyń «Qaısar» komandasy qataryna taǵy bir fýtbolshy qosyldy. Komanda basshylyǵy qorǵaýshy Oljas Altaevpen kelisimshartqa qol qoıdy, dep habarlaıdy QazAqparat tilshisi.
Oljas Altaev - Qyzylorda fýtbolynyń túlegi. Ol kásibı fýtboldaǵy alǵashqy qadamyn 2008 jyly «Aqtóbe-jasta» bastasa, 2011 jyly elordanyń «Astana-1964», 2012 jyly Talǵardyń «Aqbulaq» komandasynyń namysyn qorǵady. 2013-2016 jyldarda Qyzylordanyń «Qaısar» jáne «Baıqońyr» klýbtarynda jasyl alańǵa shyqty. 2017-2018 jyldarda Petropavldyń «Qyzyljar» klýbynda 23 kezdesýde jasyl alańǵa shyǵyp, qarsylastar qaqpasyna 3 gol saldy.
Esterińizge sala ketelik, «Qaısar» qańtarda jartylaı qorǵaýshy Marat Haırýllın, qorǵaýshy Ivan Sadovnıchıımen kelisimshart jasady. Sondaı-aq, byltyrǵy jyly oıyn kórsetken 15 fýtbolshymen kelisimshart merzimi uzartyldy. Odan keıin Arýba quramasynyń jartylaı qorǵaýshysy Djon Djoshýa bıyl «Qaısar» quramyn tolyqtyrdy. Al 22 qańtarda «Qaısar» kongolyq Kýle Mbombomen kelisimshartqa jasaldy. Armenııa quramasynyń shabýylshysy Tıgran Barsegıanmen kelisimshartqa qol qoıdy. Sondaı-aq, jartylaı qorǵaýshy Bekzat Qurmanbekuly jáne shabýylshy Shoqan Abzalov komanda qataryna qosyldy.
