Oljas Ábishev eki aıǵa qamaýǵa alyndy
«3 tamyz kúni Nur-Sultan qalasynyń Mamandandyrylǵan aýdanaralyq tergeý soty kúdikti Oljas Ábishevke qatysty eki aı merzimge qamaýda ustaý túrindegi bultartpaý sharasyn sanktsııalady», - delingen elorda soty baspasóz qyzmetiniń málimetinde.
Budan buryn habarlanǵandaı, Qazaqstan Respýblıkasy Qarjy mınıstrliginiń Qarjy monıtorıngi komıteti Densaýlyq saqtaý vıtse-mınıstri Oljas Ábishevtiń qamaýǵa alynǵanyn rastady. Ol bıýdjet qarajatyn jymqyrdy degen kúdikke ilindi.
Sonymen qatar, QR Densaýlyq saqtaý mınıstri Alekseı Tsoı vedomstvonyń vıtse-mınıstri Oljas Ábishevtiń qamaýǵa alynýyna qatysty pikir bildirdi.
Aıta ketsek, Oljas Ábishev 2018 jyly Densaýlyq saqtaý vıtse-mınıstri bolyp taǵaıyndalǵan. Ol tsıfrlandyrý jáne aqparattyq qaýipsizdik máselelerine jaýap berdi.