Olx.kz arqyly júrgizýshi kýáligin jasatpaq bolǵan 5 adam aldanyp qaldy
NUR-SULTAN. QazAqparat –Elorda polıtseıleri Olx.kz arqyly júrgizýshi kýáligin jasaýǵa ýáde bergen alaıaqty ustady, dep habarlaıdy QazAqparat tilshisi.
Іshki ister mınıstrliginiń resmı ókili Nurdildá Orazdyń aıtýynsha atalmysh saıt arqyly ol birneshe adamnyń senimine kirip aqshasyn jymqyrǵan.
«Elorda turǵyny 5 adamnyń senimine kirip, olardyń 356 myń teńge aqshasyn ıemdengen. Ol Olx.kz saıtynda júrgizýshi kýálikterin jasaý týraly habarlandyrý jarııalap, «Qiwi-ámııanǵa» aqsha túskennen keıin qońyraýlarǵa jaýap bermegen», - dedi ol mınıstrliktiń baspasóz máslıhatynda.
Qazir ustalǵan azamatqa qatysty sotqa deıingi tergeý amaldary júrgizilip jatyr.
