Ólim jazasynan aman qalǵan Krısta Paıktyń jaǵdaıy belgili boldy
ASTANA. KAZINFORM — Tennessı shtatynda ólim jazasyn oryndaý áreketinen aman qalǵan Krısta Paık esin jıdy, dep habarlaıdy TASS.
— Paıktyń «esi kiresili-shyǵasyly emes, esin biledi, sóılesip, medıtsınalyq kómek alyp jatyr, — delingen aqparatta.
30 qyrkúıekte Neshvıll túrmesinde Paıkqa ólim ınektsııasynyń eki dozasy engizilgen. Alaıda sottalǵan áıel tiri qalǵan. Úkimdi oryndaýshylar osy kezde 7 ıne paıdalanǵan. Buǵan deıin advokattar áıeldiń trombotsıtozben aýyratynyn eskertken. Mundaı jaǵdaıda preparatty engizý qan uıyǵyshtarynyń paıda bolýyna jáne qosymsha azap shegýge ákelýi múmkin.
Paık Tennessı shtatynda 200 jyldan astam ýaqyttan beri ólim jazasyna kesilgen alǵashqy áıel bolýy tıis edi. Alaıda úkimdi oryndaý sátsiz aıaqtalǵannan keıin shtat gýbernatory Bıll Lı tergeý júrgizýdi tapsyrdy. Sondaı-aq 2026 jyly oryndalýy tıis taǵy bir ólim jazasynyń kúshin joıdy.
Eske sala keteıik, osyǵan deıin Sırııa soty Bashar Asadty ólim jazasyna kesken bolatyn. Sondaı-aq onyń týysy da adamzatqa qarsy qylmys jasaǵany úshin ólim jazasyna kesildi.
