Olland Brıtanııaǵa Eýropalyq odaqtan shyǵý protsesin tezirek bastaýǵa keńes berdi
ASTANA. QazAqparat - Brıtanııa óz aýmaǵynda Eýropa halqynyń emin-erkin júrýine ruqsat berse ǵana, eýropalyq naryqqa qol jetkize alady, dep málimdedi Frantsııa prezıdenti Fransýa Olland.
«Bul - eń mańyzdy sát. Brıtanııa eki joldyń birin tańdaýy tıis: ortaq naryqta qalyp, erkin qozǵalys quqyǵyn qabyldaý, ne bolmasa basqa statýs alý», - dedi Frantsııa basshy.
Brıtanııanyń jańa premer-mınıstri Tereza Meımen birinshi kezdesýden keıin Olland Birikken Koroldiktiń Eýropalyq odaqtan shyǵý protsesin barynsha tezirek bastaýǵa keńes berdi.
Meı 2017 jylǵa deıin EO shyǵý protsesin bastaǵysy kelmeıtinin aıtty jáne EO-men tyǵyz baılanysty saqtap, ásirese Frantsııamen terorrızmge qarsy kúreste birge jumys isteıtinin jetkizgen.
«Eger Brıtanııa EO-dan shyǵatyn bolsa, bizdiń memleketterimiz arasyndaǵy tyǵyz ekonomıkalyq qarym-qatynasty saqtap qalýdyń joldaryn qarastyrý kerek», - dedi Meı.
Budan buryn brıtanııalyq premer-mınıstr Germanııa kantsleri Angela Merkelmen kezdesken. Olar Brıtanııanyń EO-dan shyǵýy sanaly jáne rettelgen protsess bolýy tıis degen bolatyn.
