Ólketaný pánin oqytý jastardy patrıotızmge tárbıeleıdi
«Týǵan jer» jobasy sheńberinde qazaqstandyqtar týǵan ólkesi týraly barlyq maǵlumatty mektep partasynan oqyp ósetin boldy. Bul baǵytta áli talaı eskertýler bolady. Olar aldaǵy ýaqytta eskeriledi. Degenmen, bıylǵy oqý jylynan bastap elimizdiń barlyq mektepterinde ólketaný páni oqytyla bastaıdy. Barlyq óńirler ólketaný oqýlyǵyn ázirledi. Jańa oqýlyq oqýshylarǵa shyqqan tegin, týǵan ólkeniń tarıhy men dástúrlerin bilip, zertteýge jəne búgini men keleshegi týraly oı túıindeýge múmkindik beredi. Oǵan qosa, QR Bilim jáne ǵylym mınıstrligi tarapynan hrestomatııa oqýlyǵy ázirlenip jatyr. Bul kitapta barlyq óńirlerdiń tarıhı bir kitapqa biriktiriledi. Osylaısha, jastardyń óziniń týǵan jerine degen mahabbaty arqyly qazaqstandyq patrıotızm qalyptaspaq», deıdi Aıda Balaeva.
Sonymen qatar, ol elimizde «100 jańa oqýlyq» jobasynyń da sátti júzege asyrylyp jatqanyn atap ótti. Bul kitaptyń alǵashqylary aldaǵy oqý jylynda elimizdegi joǵary oqý oryndarynda oqytyla bastaıdy.
Eske sala keteıik, jaqynda Aqmola oblysynyń «Zeren» saýyqtyrý ortalyǵynyń bazasynda «Zeren» respýblıkalyq jastar bilim lageriniń «Digital-urpaq» atty birinshi aýysymy resmı túrde ashylǵan bolatyn. Oǵan elimizdiń ár óńirinen kelgen jastar uıymdarynyń kóshbasshylary, jas kásipkerler, «Qazaqstannyń 100 jańa esimi» jobasynyń qatysýshylarynan quralǵan jastar qatysýda. Lager 12-26 tamyz aralyǵynda 3 taqyryptyq aýysymda ótkiziledi. Keshe lagerdiń «Jańǵyrý trendteri» atty ekinshi aýysymy ashyldy.
