Ólkesin damytýǵa úles qosqan jandar «Jomart júrek» syılyǵyn aldy
«Jomart júrek» syılyǵy «Rýhanı jańǵyrý» baǵdarlamasynyń aıasynda QR Aqparat jáne qoǵamdyq damý mınıstrligi uıymdastyrǵan biregeı joba. Syılyqtyń negizgi maqsaty – qaıyrymdylyq qyzmet ıdeıalaryn, metsenattyqty jáne fılantropııany nasıhattaý. Syılyqty tapsyrý rásimine týǵan jerin, ósken ólkesin damytýǵa qatysqany úshin bıznes-qurylymdardyń, ÚEU, eriktiler men qaıyrymdylyq kómek kórsetýshiler arasynan 50 ókil marapattaldy», delingen habarlamada.
Syılyq «Jyl metsenaty», «Jyl tulǵasy», «Týǵan ólke», «Eren erligi», «Úzdik uıym» atalymdary boıynsha tabys etildi.
Týǵan ólkesinde iri áleýmettik jobalardy iske asyrǵany úshin, az qamtylǵan, kóp balaly otbasylarǵa, jetim balalarǵa jáne ata-anasynyń qamqorlyǵynsyz qalǵan balalarǵa, múgedekterge, UOS ardagerlerine, zeınetkerlerge óteýsiz kómek kórsetkeni úshin «Jyl metsenaty» nomınatsııasy boıynsha «Gaz stroy montazh KZ» JShS quryltaıshysy (Atyraý oblysy) Erlan Tabyldıev marapattaldy.
Erlan Tabyldıev 2019 jyly Atyraý qalasyndaǵy «Munaıshy» stadıonyn tolyǵymen jańartyp, jastarǵa arnalǵan skeıt parkin saldy. Sonymen qatar, az qamtylǵan otbasynan shyqqan eki stýdent úshin H. Dosmuhamedov atyndaǵy Atyraý memlekettik ýnıversıtetinde tegin bilim alýǵa jaǵdaı jasady.
«Zenchenko ı K» sharýa qojalyǵynyń dırektory (Soltústik Qazaqstan oblysy) Zenchenko Gennadıı da osy nomınatsııada jeńimpaz atandy.
Gennadıı Zenchenko «Ajar» balabaqshasyna demeýshilik kómek kórsetti (bólmeni jóndeý, jıhaz ben kafel plıtkalaryn ishinara aýystyrý). Demeýshilik qarajat esebinen aýyldyq okrýgtiń barlyq mektepterinde jóndeý jumystary júrgizildi. Jyl sońyna deıin Novonıkolskoe aýylyndaǵy Mádenıet úıi qaıta jańartylady.
«Jyl tulǵasy» nomınatsııasy boıynsha belsendi azamattyq ustanymy, túrli baǵyttaǵy keń aýqymdy qaıyrymdylyq qyzmeti úshin Jambyl oblysynyń paralımpıadalyq chempıony Zúlfııa Ǵabıdýllına jeńimpaz atandy.
Zúlfııa júzý boıynsha halyqaralyq deńgeıdegi sport sheberi. Óz esebinen kóp balaly, az qamtylǵan otbasylarǵa qaıyrymdylyq kómek kórsetedi. Bıyl «Týǵan jer» baǵdarlamasy aıasynda Taraz qalasynyń «Jansaıa» shaǵyn aýdanynda basketbol, shaǵyn fýtbol jáne basqa da sport túrlerimen aınalysýǵa arnalǵan alań salyndy.
Sonymen qatar, osy nomınatsııada anestezıolog-dáriger, kásipker, «Emodji» áleýmettik kafesiniń ıesi Azamat Bazylov jeńimpaz atandy.
Azamat 15 qulaǵy nashar estıtin adamdy jumyspen qamtyp, «Emodji» áleýmettik kafesin ashty. Búgin bul kafe Nur-sultan qalasynyń turǵyndary arasynda tanymal. Kelýshiler dámhana qyzmetimen qatar usynylatyn ónimderdiń sapasyna óte rıza.
Eldi mekenderdi abattandyrýǵa, saıabaqtardy, alleıalardy, eskertkishterdi, balalardyń oıyn alańdaryn qaıta jańartýǵa jáne salýǵa, Densaýlyq saqtaý, mádenıet, bilim berý jáne sport salasynda «Týǵan ólke» nomınatsııasy boıynsha demeýshilik kómek kórsetýge baǵyttalǵan áleýmettik jobalardy iske asyrǵany úshin jeńimpazdardyń biri «Almaty menedjment ýnıversıteti» QB prezıdenti, Qazaqstannyń Azamattyq alıansynyń prezıdenti Asylbek Qojahmetov boldy.
Asylbek Qazaqstandaǵy alǵashqy bıznes-mektep - 1988 jyly ashylyp, keıinnen Halyqaralyq bıznes akademııasy bolyp qaıta qurylǵan Almaty menedjment mektebiniń negizin qalaýshylardyń biri. 2008-2012 jyldary Eduniversal álemdik reıtıng agenttigi akademııany Qazaqstandaǵy № 1 bıznes-joǵary oqý orny dep tanydy, 2014 jyly Eduniversal reıtınginde 4 palma tarmaǵyn alyp, álemniń úzdik 300 bıznes-joǵary oqý oryndarynyń qataryna endi jáne 2017 jyly reıtıngidegi pozıtsııasyn rastady.
Sondaı-aq osy nomınatsııada Mańǵystaý oblysynyń kásipkeri Nurjan Edilov jeńimpaz atandy.
Nurjan, jeke kásipker, Jańaózen qalasynyń Rahat aýylynda 295 mln teńge somasyna sport keshenin saldy.
Áleýmettik mańyzy bar jobalardy, qaıyrymdylyq jobalardy tıimdi iske asyrýda, qaıyrymdylyq kómektiń jańa tıimdi nysandaryn engizýde jáne qoǵamdyq mańyzy bar is-sharalarǵa bas demeýshilikte «Úzdik uıym» nomınatsııasy boıynsha «Qazfosfat» JShS jeńimpaz atandy, uıym basshysy Muqash Iskandırov marapattaldy.
«Qazfosfat» JShS jyl saıyn jastarǵa, kóp balaly otbasylarǵa, múgedekterge qarjylaı kómek kórsetedi. 2018-2019 jyldar aralyǵynda 46 mln teńgeden astam somaǵa metsenattyq kómek kórsetildi. Taraz qalasynyń «Myńbulaq» shaǵyn aýdanynda, Jambyl aýdanynyń Shaıqoryq aýylynda 26 mln teńgege, oblystyq týberkýlezge qarsy balalar aýrýhanasynda sport alańdary salyndy.
Sondaı-aq, 1 mln teńge somasynda 53 kóp balaly otbasyna azyq-túlik sebeti syıǵa tartyldy.
Sonymen qatar, osy nomınatsııada Aıdyn Raqymbaev basshylyq jasaıtyn «BI Group» iri ınvestıtsııalyq-qurylys holdıngi jeńimpaz atandy.
Holdıng Túrkistan oblysy, Arys qalasynda 100-den astam qıraǵan úıdi qalpyna keltirdi. «BI – Juldyz-aı» áleýmettik jobasy únemi qaıyrymdylyq aktsııalaryn ótkizedi. Osy joba aıasynda naýqas balalarǵa, kóp balaly otbasylarǵa, kómekke muqtaj adamdarǵa turaqty túrde qoldaý kórsetiledi.
Volonterlik qyzmetke belsendi qatysqany úshin «Eren erligi» nomınatsııasy boıynsha syılyq ıegerleriniń biri Arman Qasymov.
Arman «Ómirzaq-Servıs» munaı kompanııasynda jumys isteıdi, belsendi volonter, Atyraý jedel járdem stansasynda 10 jyldan astam ýaqyt boıy volonter bolyp jumys isteıdi. Sondaı-aq, Arman jyl boıy densaýlyq saqtaý salasyna volonterlerdi tartý úshin, onyń ishinde hospısterge, onkologııalyq dıspanserlerge kómek kórsetý úshin «Birgemiz: Saýlyq» jalpyulttyq jobasynyń ambassadory bolady. Joba Eriktiler jylyn ótkizý aıasynda iske asyrylady.
Sondaı-aq osy nomınatsııada Pavlodar oblysynyń «Saǵymbaı» sharýa qojalyǵy basshysy Saǵynbaı Ýabov jeńimpaz atandy.
Saǵynbaı mektepte tegin ystyq tamaq uıymdastyrady, mádenı-buqaralyq is-sharalarǵa demeýshilik jasaıdy, turǵyn úı salýdy josparlap otyr. Birneshe jyl boıy kásiporyn kóktemgi jáne kúzgi senbilikterdi ótkizýge tehnıka bóledi, apatty úıindilerdi tazalaıdy jáne joldardy ustaýǵa qarajat bóledi.
Sharýa qojalyǵy 2006 jyly qurylǵan. «Rýhanı jańǵyrý» baǵdarlamasyn júzege asyrý aıasynda Túgel batyrdyń jerlengen jerin abattandyrýǵa demeýshilik kómek kórsetti. Qazir aýmaqty qalpyna keltirý, qorshaý jáne abattandyrý jumystary júrgizilýde.
Ár nomınatsııa boıynsha «Jomart júrek» syılyǵynyń 10 laýreaty marapattaldy.
Jeńimpazdar baıqaýdyń saıtynda ashyq daýys berý qorytyndysy boıynsha anyqtaldy.
