Olıver Stoýn Edvard Snoýden týraly fılm túsirmek
ASTANA. QazAqparat - Tanymal kınorejıseer Olıver Stoýn Edvard Snoýden týraly fılm túsirý josparyn jarııalady. Bolashaq kartınanyń stsenarııi Guardian gazetiniń jýrnalısi Lıýk Hardıngtiń «Snoýdenniń faıldary: «Álemdegi myqtap izdestirilip jatqan adamnyń tarıhy» ǵumyrnamalyq kitabyna negizdelgen, dep habarlady Bı-bı-sı.
«Bul bizdiń zamanymyzdaǵy uly oqıǵalardyń biri», - dep sanaıdy Olıver Stoýn.
Stoýn saıası máseleler jáne amerıkan bıligin synaý jónindegi óziniń táýelsiz ustanymdarymen belgili.
«Vetnamdaǵy soǵys týraly «Vzvod» atty realıstik dramasymen ataǵy shyqqan Stoýn tarıhı, ótkir áleýmettik jáne saıası taqyryptarda «Djon F.Kennedı: Dallastaǵy atys», «Nıkson», «Fıdeldi izdestirý», «Býsh», «Egiz munaralar», «Halyq Larrı Flıntaǵa qarsy», «Ýoll-strıt» sııaqty basqa da kóptegen fılmder túsirdi.
Olıver Stoýn - úsh «Oskar» syılyǵynyń (bireýi stsenarıı jáne ekeýi rejıssýra úshin) ıegeri.
Ótken jylǵy tamyzda Ortalyq barlaý basqarmasynyń qyzmetkeri Edvard Snoýden baspasózde amerıkandyq arnaýly qyzmetterdiń jappaı ruqsat etilmegen aqparat jınaýmen aınalysqany jóninde aıtyp, odan keıin Reseıden ýaqytsha pana tapty.
AQSh Snoýdendi memlekettik múlikti urlaýǵa, qorǵanys maqsatyndaǵy aqparatqa ruqsatsyz qol jetkizýge jáne qupııa aqparattardy basqa meǵmleketterdiń arnaıy qyzmetterine qasaqana berýge syrttaı aıyptaýda.
