Olımpıadanyń úshinshi kúngi qorytyndysy boıynsha Qazaqstan 11-orynda
Keshe frıstaılshy ıÝlııa Galysheva el qorjynyna alǵashqy qola medaldy saldy. Sonyń nátıjesinde Qazaqstan Phenchhan Olımpıadasynda medal alǵan 11 memlekettiń tizimine endi.
Qazirgi kórsetkish boıynsha, birinshi orynda Germanııa quramasy keledi. Olardyń enshisinde 3 altyn, 1 qola medal bar. Ekinshi orynda - Nıderlandy eliniń sportshylary. Olardyń qorjynynda 2 altyn, 2 kúmis, 1 qola medal bolsa, úzdik úshtikti túıindep turǵan Norvegııada 1 altyn, 4 kúmis, 3 qola medal bar.
Al Qazaqstan medaldyq kestede ázirge 11-inshi orynǵa ornalasyp otyr. 11-inshi orynda sondaı-aq enshilerinde bir-bir «qoladan» bar Fınlıandııa, Italııa jáne Olımpıada týy astynda óner kórsetip jatqan reseılik sportshylar bar.
Olımpıadaǵa Qazaqstannan 46 sportshy 57 joldama jeńip alǵan bolatyn: bıatlonnan - 10, mánerlep syrǵanaý - 3, short-trek - 12, konkımen syrǵanaý - 12, shańǵy jarysy - 7, frıstaıl-mogýl - 4, frıstaıl-akrobatıka - 5, taý shańǵy sporty - 2, tramplınnen sekirý - 1, shańǵy sporty - 1.
Baıraqty básekege 92 eldiń sportshylary qatysýda. Olar sporttyń 15 túrinen 102 medal jıyntyǵyn sarapqa salady.
