Olımpıadanyń tórt dúrkin chempıony Mo Fara Tokıo oıyndarynan keıin mansabyn aıaqtamaq

NUR-SULTAN. QazAqparat – Ortasha jáne uzaq qashyqtyqqa júgiretin brıtandyq sportshy Mo Fara Tokıo qalasynda ótetin Olımpıada oıyndarynan keıin sporttyq mansabyn aıaqtaýǵa nıetti. Bul týraly QazAqparat The Times gazetine silteme jasap habarlaıdy.

«Bul jóninde buryn da aıtqanmyn, qazirgi kezde de buǵan nıetim bar. Olımpıadany esepke almaǵanda, men taǵy bir-eki marafon ótkizip, osymen támamdaımyn. Men ýaqyttyń kóbin balalarymmen birge ótkizýim kerek», - dedi Fara.

Fara 38 jasta, ol 2012 jáne 2016 jylǵy Olımpıada oıyndarynda 5 000 m jáne 10 000 m júgirýden eki altyn medaldan jeńip alǵan. Sondaı-aq, onyń qanjyǵasynda álem chempıonattaryndaǵy alty jeńis pen Eýropa chempıonattarynda qol jetkizilgen bes jeńis bar. Sportshy buǵan Alberto Salazardyń jetekshiligimen jattyqqan kezde qol jetkizdi. Fara sondaı-aq eki mıl (3 218 m) qashyqtyqqa júgirýden álemdik rekord ornatqan.