Olımpıadanyń medal kórsetkishi: Norvegııa alda

PHENChHAN. QazAqparat - Ońtústik Koreıada ótip jatqan HHIII qysqy Olımpıada oıyndarynda Qazaqstan jalpy esepte 25-shi orynda tur, dep habarlaıdy QazAqparat tilshisi.

Ázirge Qazaqstan quramasynyń qorjynynda frıstaılshy ıÝlııa Galysheva jeńip alǵan jalǵyz qola medal bar. 

Búgingi kúnniń jalpy qorytyndysy boıynsha, jalpy esepte birinshi orynda kele jatqan Norvegııa quramasy medaldar sanyn 29-ǵe jetkizdi. Olardyń qorjynynda 11 altyn, 10 kúmis jáne 8 qola (29) medal bolsa, ekinshi oryndaǵy Germanııa eliniń qorjynynda ázirge 17 altyn, 7 kúmis jáne 5 qola jalpy (23) medal bar.

Al úzdik úshtikti túıindep turǵan Kanada sportshylarynyń enshisinde 8 altyn, 5 kúmis jáne 6 qola medal (19). Al tórtinshi orynda 6 altyn, 5 kúmis jáne 3 qola (14) medalmen Nıderlandy quramasy keledi. Búgin alǵashqy bestikke Frantsııa quramasy kóterildi. Olar 5 altyn, 4 kúmis jáne 4 qola (13) medal enshilep úlgerdi.

Aıta ketsek, osyǵan deıin bestikten túspeı kele jatqan AQSh quramasy búgin 5 altyn, 3 kúmis jáne 4 qola (12) medalmen 6-shy orynǵa tústi.

Esterińizge sala keteıik, 9-shy aqpanda alaýy tutanǵan Aq Olımıada oıyndaryna Qazaqstan 57 joldama jeńip alǵan bolatyn. Olar sporttyń 9 túrinen el namysyn qorǵap jatyr. Al, jalpy Olımpıada oıyndarynda sporttyń 15 túrinen 102 medal jıyntyǵy sarapqa salynady. Jarys 25-shi aqpanda óz máresine jetedi.