Olımpıadanyń medal kórsetkishi: Norvegııa 13 «altymen» kósh bastap keledi
PHENChHAN. QazAqparat - Ońtústik Koreıada ótip jatqan Olımpıada oıyndarynda Qazaqstan quramasy jalpy esepte 27-shi orynǵa syrǵydy, dep habarlaıdy QazAqparat tilshisi.
Qazaqstan quramasynyń qorjynynda frıstaılshy ıÝlııa Galysheva jeńip alǵan jalǵyz qola medaldan basqa ázirge júlde joq.
Búgingi kúnniń jalpy qorytyndysy boıynsha, Norvegııa quramasy medaldar sany jaǵynan áli de kósh bastap keledi. Olardyń qorjynynda 13 altyn, 12 kúmis jáne 10 qola (35) medal bolsa, ekinshi orynda kele jatqan Germanııa quramasynyń enshisinde 13 altyn, 7 kúmis jáne 5 qola jalpy (25) medal bar.
Al úzdik úshinshi orynda kele jatqan Kanada sportshylary 9 altyn, 7 kúmis jáne 8 qola medal (24) enshilese, búgin úzdik tórttikke AQSh quramasy kóterildi. Olar 8 altyn, 7 kúmis jáne 6 qola (21) medalǵa qoljetkizdi. Úzdik bestikti Nıderlandy eliniń sportshylary túıindep tur. Olar 7 altyn, 6 kúmis jáne 4 qola (17) medal enshiledi.
Esterińizge sala keteıik, 9-shy aqpanda alaýy tutanǵan Aq Olımıada oıyndaryna Qazaqstan 57 joldama jeńip alǵan bolatyn. Olar sporttyń 9 túrinen el namysyn qorǵap jatyr. Al, jalpy Olımpıada oıyndarynda sporttyń 15 túrinen 102 medal jıyntyǵy sarapqa salynady. Jarys 25-shi aqpanda óz máresine jetedi.
Foto: Іzturǵan Aldaýev
