Olımpıadanyń eki dúrkin kúmis júldegeri Ádilbek Nııazymbetov sporttyq jolyn aıaqtady

ASTANA. QazAqparat -2012 jáne 2016 jyldary Olımpıada oıyndarynyń kúmis júldegeri bolǵan, burynǵy álem jáne Azııa chempıony Ádilbek Nııazymbetov sporttyq jolyn aıaqtaý týraly sheshim qabyldady. Bul jaıly bokstan ulttyq quramanyń bas bapkeri Myrzaǵalı Aıtjanov málim etti, dep habarlaıdy sports.kz.

«Iıa, Ádilbek bizben aqyldasqannan keıin osyndaı sheshim qabyldady. Ol kóp jyldar boıy Qazaqstan quramasynda óner kórsetti. Jeńisteri de az emes. Qazaqstan jalaýyn kókke kóterdi. Onyń jaraqattary bar, emdeý úshin ýaqyt qajet. Al sportshynyń densaýlyǵy bárinen de joǵary»,- dedi Myrzaǵalı Aıtjanov.