Olımpıadanyń ashylýyna bir kún qalǵanda Tokıoda 1 979 adam koronavırýs juqtyrǵan

TOKIO. Kyodo-QazAqparat – Tokıo úkimeti beısenbi kúni, olımpıada saltanatynyń qarsańynda COVID-19 juqtyrýdyń 1 979 jańa jaǵdaıy tirkelgenin málim etti, dep habarlaıdy QazAqparat Kyodo agenttigine silteme jasap.

Bul – qańtardyń ortasynan bergi eń joǵary kórsetkish. Osyǵan oraı, oıyndardyń saldarynan vırýstyń juqpalylyǵy joǵary Delta nusqasynyń taralý aýqymy odan ári keńeıe túsedi degen qorqynysh ósýde.

Olımpıadanyń ashylý saltanaty juma kúni el astanasynda koronavırýs sharalarynyń shekteýlerine baılanysty kórermendersiz ótedi. Munda COVID-19 jaǵdaılarynyń ósýine baılanysty tótenshe jaǵdaı engizilgen.

Qańtardyń ortasynda Tokıoda ekinshi tótenshe jaǵdaı engizilgen edi.

Densaýlyq saqtaý salasyndaǵy sarapshylar Tokıoda koronavırýs boıynsha epıdemıologııalyq ahýaldyń kúrt nasharlaýy múmkin ekendigin jáne ınfektsııanyń «besinshi tolqyny» týraly eskertti.

Olardyń esepteýi boıynsha, tamyzdyń basynda eldegi kúndelikti juqtyrý oqıǵasy 2 600-ǵa deıin jetedi. Al Olımpıada 8 tamyzǵa deıin jalǵaspaq.