Olımpıadanyń 6-shy kúni: Germanııa kósh basynda keledi
BEIJІŃ. QazAqparat - Búgin Qytaı astanasy Beıjiń qalasynda ótip jatqan Aq Olımpıada oıyndarynyń 6-shy kúni de artta qaldy, dep habarlaıdy QazAqparat tilshisi.
Kún sanap Olımpıada oıyndary tartysqa tola tústi. Medalǵa talas barysynda kóshbasshy elder ózderiniń myqtylyǵyn dáleldep qana qoımaı, keıbir sport túrlerinen rekordtar jasaýda. Jalpy medaldar kestesi kún saıyn jańaryp jatyr. Júlde alǵan memleketter sany da kún sanap artýda.
Aıtalyq, eki kúnnen beri Germanııa altyn medaldar jaǵynan eshkimge des berer emes. Olardyń qorjynynda 6 altyn, 3 kúmis júlde bar. Ekinshi orynda 5 altyn, 3 kúmis, 4 qola medalmen Norvegııa quramasy kele jatyr. Búgin úshinshi pozıtsııaǵa keshe ǵana jalpy esepte 6-shy orynda turǵan Avstrııa quramasy kóterildi.
Medaldar kórsetkishimen úzdik ondyqta turǵan elder:
1. Germanııa - 6 altyn, 3 kúmis
2. Norvegııa - 5 altyn, 3 kúmis, 4 qola
3. Avstrııa - 4 altyn, 5 kúmis, 4 qola
4. AQSh - 4 altyn, 5 kúmis, 1 qola
5. Nıderlandy - 4 altyn, 3 kúmis, 1 qola
6. Shvesııa - 4 altyn, 1 kúmis, 2 qola
7. Qytaı - 3 altyn, 3 kúmis
8. Italııa - 2 altyn, 4 kúmis, 2 qola
9. Reseı - 2 altyn, 3 kúmis, 6 qola
10. Slovenııa - 2 altyn, 1 kúmis, 2 qola
Aıta keteıik, dál búginge deıin Olımpıada medaline qol jetkizgen elder qatary 24-ke jetti. Onyń ishinde 19 memlekettiń qorjynynda altyn medal bolsa, 22 memleket kúmis júlde aldy. Vengrııa sportshylary 2 qola medal jeńip alsa, Latvııa men Polsha bir-bir «qolamen» sońǵy oryndardy ózara bólisip tur.
Ókinishke qaraı Qazaqstan qorjyny ázirge bos.
