Olımpıadanyń 5-kúni: Medaldar sany jaǵynan qaı elder kósh basynda
BEIJІŃ. QazAqparat - Qytaı astanasy Beıjiń qalasynda ótip jatqan Aq Olımpıada oıyndary kún ótken saıyn tartysty bola bastady, dep habarlaıdy QazAqparat tilshisi.
Búgin Olımpıada oıyndarynyń besinshi kúni artta qaldy. Medalǵa talas arta tústi.
Aıtalyq, keshe ǵana 4-orynda turǵan Germanııa búgin bir kúnde 2 altyn, 1 kúmis medalǵa qol jetkizip, jalpy esepte kósh basyna shyǵa keldi. Sondaı-aq, ótken kúni 5-orynda turǵan Norvegııa búgin 2-orynǵa kóterildi. Úzdik úshtikti qazirge Shvetsııa quramalary túıindep tur.
Medaldar kórsetkishimen úzdik ondyqta turǵan elder:
1. Germanııa - 5 altyn, 3 kúmis
2. Norvegııa - 4 altyn, 2 kúmis, 4 qola
3. Shvetsııa - 4 altyn, 1 kúmis, 2 qola
4. Nıderlandy - 3 altyn, 3 kúmis, 1 qola
5. Qytaı - 3 altyn, 2 kúmis
6. Avstrııa - 2 altyn, 4 kúmis, 4 qola
7. Italııa - 2 altyn, 4 kúmis, 1 qola
8. Reseı - 2 altyn, 3 kúmis, 6 qola
9. Slovenııa - 2 altyn, 1 kúmis, 2 qola
10. AQSh - 1 altyn, 5 kúmis, 1 qola
Aıta keteıik, dál búginge deıin Olımpıada medaline qol jetkizgen elder qatary 23-ke jetti. Ókinishke qaraı Qazaqstan qorjyny ázirge bos.
