Olımpıadanyń 3 altynyn oljalaǵan belarýstyq Domracheva 450 myń dollar syıaqy alady
ASTANA. QazAqparat - Sochı Olımpıadasynda úsh altyn medal enshilegen belarýstyq bıatlonshy Darıa Domracheva 450 myń dollar syıaqy alatyn boldy.
El basshylyǵynyń sheshimine sáıkes, Sochı Olımpıadasynyń jeńimpazy 150 myń dollar, kúmis júldeger 75 myń, al qola enshilegen sportshy 50 myń dollar syıaqy alýy tıis. Al Darıa Domracheva bolsa, eliniń abyroıyn asqaqtatyp úsh ret jeńis tuǵyryna kóterildi.
Belarýs sańlaǵy ekinshi altyndy qanjyǵasyna baılaǵan kezde aty ańyzǵa aınalǵan palýan, olımpıadanyń úsh dúrkin chempıony Aleksandr Medved «óziniń rekordyn belarýs bıatlonshysynyń qaıtalaýyna qarsy emestigin málimdegen. «Eger Dasha úshinshi ret Olımpıada jeńimpazy atanyp, meni qýyp jeter bolsa, oǵan tek qýanar edim»,-degen edi ol. Dańqty palýannyń aıtqany keldi. Qazirgi ýaqytta áleýmettik jelide bir-birin quttyqtasyp jatqan osy eldiń jankúıerleriniń qýanyshynda shek joq.
