Olımpıadanyń 23 aqpandaǵy nátıjesi: Medaldyq keste qalaı ózgerdi
ASTANA. QazAqparat - Phenchhan Olımpıadasynyń 23 aqpan kúngi jarys nátıjesi boıynsha Norvegııa quramasy medaldyq esepte kósh bastap keledi. Qazaqstan sportshylary - 27-shi orynda, dep habarlaıdy QazAqparat.
Juma kúngi jarystardyń qorytyndysy boıynsha, jalpy esepte birinshi oryndy áli de Norvegııa quramasy ıelenýde. Olardyń qorjynynda 13 altyn, 14 kúmis jáne 10 qola (37) medal bolsa, ekinshi orynda kele jatqan Germanııanyń enshisinde 13 «altyn», 7 «kúmis» jáne 6 «qola» (26) bar.
Úzdik úshinshi orynǵa Kanada sportshylary ornalasyp otyr - 10 altyn, 8 kúmis jáne 9 qola medal (27).
8 «altyn», 7 «kúmis» jáne 6 «qolamen» (21) AQSh quramasy - tórtinshi, 8 altyn, 6 kúmis jáne 4 qola (18) medalmen Nıderlandy eli besinshi orynda tur.
Al Qazaqstan sportshylary bir «qolamen» 27-inshi orynda keledi.
Buǵan deıin habarlaǵanymyzdaı, 24 aqpan kúni otandastarymyz sporttyń eki túrinen synǵa túsedi.
Eske salaıyq, 9 aqpanda alaýy tutanǵan Aq Olımpıada oıyndaryna Qazaqstan sportshylary 57 joldama jeńip alǵan bolatyn. Olar sporttyń 9 túrinen el namysyn qorǵap jatyr. Al jalpy Olımpıadada sporttyń 15 túrinen 102 medal jıyntyǵy sarapqa salynýda. Jarystar 25 aqpanda aıaqtalady.
