Olımpıadanyń jabylý saltanatyn qaıdan kórýge bolady

ASTANA. KAZINFORM — 22-nen 23 aqpanǵa qaraǵan túni Italııanyń Verona qalasynda 2026 jylǵy XXV qysqy Olımpıada oıyndarynyń jabylý saltanaty ótedi. Bul týraly Sports.kz jazdy.

Tikeleı translıatsııa Qazaqstan ýaqyty boıynsha 23:45-te bastalady jáne «Qazaqstan», «Qazsport» jáne «Habar» telearnalarynan kórsetiledi.

Іs-shara kóne «Arena dı Verona» amfıteatrynda ótedi.

Italııanyń Mılan jáne Kortına-d’Ampetstso qalalarynda ótken Olımpıada «Beauty in Action» («Qozǵalystaǵy sulýlyq») atty shoýymen aıaqtalady. Jabylý saltanatyna dástúr boıynsha barlyq qatysýshy elderdiń delegatsııalary, onyń ishinde Qazaqstan da qatysady — sportshylar arenadan saltanatty túrde ótedi. Bul Olımpıadada Qazaqstan quramasynyń sapynda 36 sportshy óner kórsetti, olar sporttyń on túri boıynsha jarysqa qatysty.

Jabylý rásimi 2030 jylǵy qysqy Olımpıadanyń astanasy — Frantsýz Alpilerine olımpıadalyq týdy tapsyrýmen aıaqtalady.

Eske sala keteıik, búgin Olımpıadadan elge oralǵan short-trekshi Abzal Ájiǵalıev aldaǵy josparlaryn aıtty.