Olımpıadanyń on úshinshi jarys kúniniń nátıjesi qandaı
![күрес](/static/img/plug.webp)
PARIJ. KAZINFORM — Parıj Olımpıadasynyń on úshinshi kúni, ıaǵnı 8 tamyzda qazaqstandyqtar sporttyń 5 túrinen synǵa tústi.
Qazirgi bessaıys: Qazirgi bessaıystan áıelder arasyndaǵy semserlesýden irikteýde Elena Potapenko semserlesýden keıin 200 upaı jınap, 27-satyǵa turaqtady.
Georgıı Boroda-Dýdochkın alǵashqy kezeń semserlesýde 170 upaı jınady. Qazir ol 35-orynda tur.
Baıdarka men kanoede esý: Kanoede 200 metrge eskek esýde Marııa Brovkova jarysty aıaqtady. Ol shırek fınalda óz tobynda 4-oryn aldy.
Kanoede 500 metrge eskek esýden erler arasynda A jáne V tobynyń fınalynda Sergeı Emelıanov pen Tımýr Haıdarov juby V tobynda márege úshinshi jetti. Olar juptyq syndy jalpy esepte 11-satyda aıaqtady.
Kanoede 200 metrge eskek esýde Marııa Brovkova irikteýde óz tobynda márege besinshi jetti. Onyń ýaqyt kórsetkishi — 48.43 sekýnd.
Erkin kúres: Azamat Dáýletbekov (86 kg) alǵashqy beldesýinde amerıkalyq Aaron Markel Brýksqa jol berdi.
Meırambek Kartbaı (57 kg) 1/8 aınalymynda qyrǵyz palýany Bekzat Almaz ýýlýdan jeńilip qaldy.
Quzǵa órmeleý: Ámir Maımuratov jartylaı fınalǵa joldama ala almady.
Otandasymyz shırek fınalda álem chempıony, jazǵy Azııa oıyndarynyń 2 dúrkin jeńimpazy, Azııa chempıony Reza Álıpýrǵa jol berdi.
Ámirdiń ýaqyt kórsetkishi — 6.14 sekýnd
Kórkem gımnastıka: Eljana Tanıeva kórkem gımnastıkadan irikteýde óner kórsetip, fınaldyq kezeńge shyǵa almady.
Ol tórt jattyǵýda 126.600 upaı jınap, 13-orynǵa turaqtady.
Olımpıadanyń on úshinshi jarys kúninen keıin Qazaqstan quramasynyń qorjynynda 1 altyn, 3 kúmis, 3 qola júlde bar.
Elimiz medaldar kestesinde 29-orynǵa jaıǵasqan.