Olımpıadalyq kúnge oraı elordada júgirýden jarys ótip jatyr
ASTANA. QazAqparat - Búgin Astana turǵyndary men qonaqtary qalalyq mádenıet jáne demalys saıabaǵynda, Olımpıadalyq kúnge arnalǵan sporttyq sharalarǵa qatysty.
Baǵdarlama boıynsha saǵat 10.00 8-11 synyp oqýshylary, al saǵat 11.00 orta arnaıy oqý oryndarynyń shákirtteri 800 m júgiredi. Sonymen qatar, saǵat 11.45 1200 m júgirýden jarys ótedi. Oǵan mınıstrlikter men vedomstvolardyń ókilderi, elshilikterdiń qyzmetkerleri, olımpıada chempıondary, JOO stýdentteri men qala turǵyndary qatysady. 5-10 jastaǵy balalar arasynda «Olımpıadalyq jarys» sýretter baıqaýy men múmkindigi shekteýli jandar arasynda qol arbamen 100 m júgirýden jarys uıymdastyrylady.
Sporttyq sharalarǵa «Dostyq» sport kombınaty, №2 BJSM, Sporttyq buqaralyq is-sharalardy ótkizý dırektsııasy tórelik etedi, dep habarlady astana.kz.
