Olımpıadalyq irikteý týrnıri: Boksshy Valentına Halzova qarsylasynan utyldy

NUR-SULTAN. QazAqparat – Búgin Iordanııanyń Amman qalasynda ótip jatqan bokstan Olımpıadaǵa irikteý týrnırinde áıelder boksynan Valentına Halzova shırek fınalda qarsylasynan utylyp qaldy, dep habarlaıdy QazAqparat tilshisi.

69 keli salmaqta el namysyn qorǵap jatqan boksshymyz Halzova shırek fınalda qytaılyq Hon Gýdanǵa jol berip, Olımpıada joldamasynan tys qaldy. Ókinishke qaraı, Halzova osy shırek fınalda jeńiske jetkende Olıpıada joldamasyna ıelik eter edi. Bul Erik Alǵabek jattyqtyratyn qyzdar komandasynan Olımpıada joldamasynan tys qalǵan tórtinshi boksshy.

Esterińizde bolsa, Valentına Halzova alǵashqy aıqasynda Ońtústik Koreıa ókili Sıýen Choıǵa qarsy shyǵyp, tóreshilerdiń biraýyz sheshimimen jeńimpaz atanǵan bolatyn.

Osylaısha, Qazaqstan áıelder komandasy sapynda joldamaǵa talasatyn jalǵyz boksshy qaldy. Ol 75 kelige deıingi salmaqtaǵy Nadejda Rıabets.