Olımpıadalyq irikteý: Shaıbaly hokkeıden Qazaqstan quramasy daıyndyǵyn jalǵastyrady

ASTANA. KAZINFORM – Shaıbaly hokkeıden Qazaqstan quramasy olımpıadalyq irikteý kezeńine daıyndyqty odan ary jalǵastyrady. Qurama 20-22 tamyz aralyǵynda elordadaǵy «Barys-arenada» oqý-jattyǵý jıynyn ótkizedi. 

Qazaqstandyq hokkeıshiler 23 tamyzda Chehııaǵa attanady. 25 tamyzda Homýtov qalasynda jergilikti komandamen joldastyq kezdesý ótkizedi. 

Al, 27 tamyzda el quramasy Bratıslava qalasyna attanyp, 29-tamyzda alǵashqy oıynda Vengrııamen sheberlik baıqasady.

Slovakııanyń «Slovan» komandasynyń qaqpashysy Andreı Shýtov qurama sapyna jarys bastalar aldynda qosylady.

Búgin, 20 tamyzda QHL-da oınaıtyn hokkeıshiler qurama sapyn tolyqtyrady. Olardyń qatarynda Nıkıta Mıhaılıs, Valerıı Orehov, Evgenıı Rymarev, Arkadıı Shestakov jáne Leonıd Metalnıkov bar.

Aıta ketsek, qazaqstandyq hokkeıshiler fınaldyq olımpıadalyq irikteý oıyndarynda Slovakııanyń Bratıslava qalasynda 29 tamyz-1 qyrkúıek aralyǵynda Aýstrııa, Vengrııa jáne Slovakııa quramalarymen oınaıdy.

Eske salsaq, shaıbaly hokkeıden QR Prezıdenti kýbogynda Qazaqstan olımpıadalyq quramasy ekinshi oryn aldy.