Olımpıadalyq irikteý: Qazaqstannyń hokkeı quramasy ekinshi márte jeńiske jetti

ASTANA. KAZINFORM - Shaıbaly hokkeıden Qazaqstan quramasynyń fınaldyq olımpıadalyq irikteý kezeńindegi ekinshi oıyny Avstrııaǵa qarsy ótti.

Bul kezdesýde qazaqstandyq qurama sapynan Dmıtrıı Breýs oıynnyń 2-mınýtynda shaıba salsa, 43-mınýtta avstrııalyq hokkeıshi Rafael Herbýrger esepti teńestirdi. 

Al qazaqstandyq Tamırlan Gaıtamırov 53-mınýtta soqqan shaıba Qazaqstan quramasyna jeńis syılady. Esep - 2:1.

Endi qazaqstandyq hokkeıshiler 1 qyrkúıekte 21:00-de Slovakııamen kezdesedi.

Qazaqstandyq hokkeıshiler buǵan deıin Qysqy Olımpıadada 1998, 2006 jyldary baq synaýǵa múmkindik aldy.

1998 jyly jalpy komandalyq esepte segizinshi orynǵa turaqtady. 2006 jyly toptyq kezeńde besinshi oryndy qanaǵat tutyp, jarysty jalǵastyrýdan tys qaldy.

Al 2002, 2010, 2014, 2018, 2022 jyldarda irikteý kezeńinen asa alǵan joq.

Eske salsaq, budan buryn el quramasy Vengrııany 5:2 esebimen tize búktirdi.