Olımpıadalyq boksta JI tóreshilik júıesi men qorǵanys shlemderi qaıta engizilýi múmkin
ASTANA. KAZINFORM — Qazaqstan boks federatsııasynyń halyqaralyq máseleler jónindegi vıtse-prezıdenti Álimjan Aqaev jyl saıynǵy konferentsııada World Boxing uıymynyń týrnırlerde tóreshilikti dýblıkatsııalaý úshin jasandy ıntellektti qoldanýdy josparlap otyrǵanyn aıtty.
— World Boxing jarystary aıasynda jasandy ıntellekt júıesi qosymsha tóreshilik quraly retinde engiziledi. Ol soqqylardyń sanyn, dáldigi men kúshin esepteýge múmkindik beredi. Bul adamnyń faktoryn barynsha azaıtýǵa kómektesedi. Júıeni jarys protsesine bıyldyń sońyna nemese 2027 jyldyń basyna deıin engizý josparlanyp otyr, — dedi Aqaev.
Sonymen qatar, onyń aıtýynsha, sportshylardyń densaýlyǵyn qorǵaý maqsatynda 2026 jyldyń sońyna nemese kelesi jyldyń basynan bastap olımpıadalyq boksta qorǵanys shlemderin qaıta qoldaný múmkindigi qarastyrylyp otyr.
Buǵan deıin habarlanǵandaı, Halyqaralyq olımpıada komıteti (HOK) 2028 jylǵy Olımpıada oıyndaryna boksshylardyń irikteý júıesin bekitken bolatyn.
Qazaqstan boksshylary 2025 jyly halyqaralyq jarystarda 113 medal jeńip aldy.
