Olımpıadaǵy frıstaıldan akrobatıka jarysy bir kúnge shegerildi

NUR-SULTAN. QazAqparat - Búgin Beıjiń Olımpıadasynda ótýi tıis frıstaıl akrobatıka jarysy aýa raıynyń qolaısyzdyǵyna baılanysty bir kún keıinge shegerildi, dep habarlaıdy QazAqparat tilshisi.

QR Ulttyq olımpıadalyq komıteti taratqan habarlamada «búgin Olımpıadada áıelder arasyndaǵy frıstaıl akrobatıka jarysynyń irikteý merzimi ózgerdi. Mundaı sheshim shara ótetin jerde aýa raıynyń qolaısyzdyǵyna baılanysty qabyldanǵan. Endi ol 14 aqpanǵa aýystyryldy. Naqty ýaqyt keıinirek anyqtalady «, - delingen habarlamada.

Esterińizge sala keteıik, frıstaıl-akrobatıkadan áıelder arasyndaǵy irikteý jarys kestesine sáıkes, búgin Nur-Sultan ýaqytmen 17:00 de ótýi tıis bolatyn. Bul dodada Janbota Aldabergenova, Aqmarjan Qalmurzaeva baq synaıdy.

Sýret: TASS