Olımpıadaǵa joldama: Dzıýdodan úsh balýan irikteý beldesýin ótkizedi
ASTANA. KAZINFORM - Búgin, 7 maýsymda dzıýdodan 60 keli salmaqtaǵy úsh balýan arasynda Parıj Olımpıadasynyń qatysýshysyn anyqtaý maqsatynda irikteý beldesýi ótkiziledi.
Qazaqstan dzıýdo federatsııasy olımpıadalyq reıtıngte Olımpıadaǵa qatysýǵa úmitker sportshylar arasynda irikteý beldesýin ótkizý jóninde uıǵarymǵa keldi.
Qazir Almaty qalasynda el quramasy oqý-jattyǵý jıynyn ótkizip jatyr.
Sol oqý-jattyǵý jıyny barysynda Nurqanat Serikbaev, Eldos Smetov jáne Maǵjan Shamshadın ózara myqtyny anyqtaıdy.
Aıta ketsek, Halyqaralyq dzıýdo federatsııasynyń jáne Halyqaralyq Olımpıada komıtetiniń erejesi boıynsha jazǵy Olımpıada oıyndaryna dzıýdodan ár salmaqta bir elden jalǵyz sportshydan qatysa alady.
El quramasynda 60 keli salmaqta Nurqanat Serikbaev, Eldos Smetov jáne Maǵjan Shamshadın Olımpıada reıtınginde joldama ıegerleri tiziminde tur.
Іrikteý beldesý jabyq formatta ótkiziledi. Bastalýy 11:00-ge belgilengen.
