Olımpıadaǵa úshinshi joldama — Mahmud Sabyrhanda
ASTANA. KAZINFORM — Italııanyń Býsto-Arsıtsıo qalasynda ótip jatqan lıtsenzııalyq týrnırde qazaqstandyq boksshy Mahmud Sabyrhan shırek fınalda qarsylasyn jarys jolynan taıdyryp, Olımpıada joldamasyna qol jetkizdi.
Otandasymyzdyń sheshýshi sáttegi qarsylasy — 2011 jyly Astana tórinde ótken jasóspirimderdiń álem chempıonatynda top jarǵan, sonymen qatar osy jyly álemde eń myqty jasóspirim ataǵyn jeńip alǵan asa tájirıbeli tájikstandyq boksshy Asror Vohıdov bolatyn.
Asa tartysty ótken jekpe-jek qorytyndysy boıynsha Sabyrhan qarsylasyn 4:1 esebimen jeńip, lıtsenzııaǵa ıe boldy.
Mahmud Sabyrhan alǵashqy irikteý synynda efıopııalyq Leta Fıkremarıam ıAdesamen judyryqtasyp, 5:0 esebimen utsa, osy týrnırdegi ekinshi aıqasynda Taıland boksshysy Saravýt Sýkthetti 3:2 esebimen jeńdi.
Al úshinshi aıqasynda Pýerto-Rıkodan kelgen Hose Kaleb Pagan Tıradomen qolǵap túıistirip, taǵy da qarsylasyn 3:2 esebimen jeńip, shırek fınalǵa ótken bolatyn.
Mine, búgin joldama sarapqa salynǵan sheshýshi synda tájikstandyq Asror Vohıdovtan aılasyn asyryp, qazaq boksshylarynyń Parıj olımpıadasyna joldama sanyn taǵy bireýge tolyqtyrdy.
