Olımpıadaǵa irikteý týrnırinde jeńilgen Muhammedsabyr Bazarbaıulynyń joldama alýǵa áli de múmkindigi bar

ASTANA. KAZINFORM - Taıland astanasy Bangkok qalasynda ótip jatqan bokstan Olımpıadaǵa irikteý týrnırinde qazaqstandyq Muhammedsabyr Bazarbaıuly (63.5 keli) kýbalyq Erıslandı Alvareske ese jiberdi.

Shırek fınalda qarsylasy 2:3 esebimen basym tústi. Degenmen joldamadan áli de úmit bar. Bul salmaq dárejesinde 5 lıtsenzııa qarastyrylǵan. 1/4 fınalda jeńilgen boksshylar ózara bir joldamany sarapqa salady. Endi Bazarbaıuly taǵy eki jekpe-jekte jeńiske jetýi kerek.

Aıta ketsek, búgin Nazym Qyzaıbaı (50 keli) Ońtústik Koreıadan kelgen Djýhıýng Djýngty jeńip, 1/8 fınalǵa shyqty.

Endi el quramasynan Valentına Halzovanyń 1 maýsymdaǵy 1/8 fınaldaǵy qarsylasy — mońǵolııalyq Erdenetýıa Enhbaatar.

Taılandtaǵy irikteý týrnırinde Uljan Sársenbek (54 keli), Rımma Volosenko (60 keli) men Natalıa Bogdanova (66 keli) jarys jolyn aıaqtady.

Qazir Qazaqstan quramasy qorjynynda Parıj Olımpıadasyna erlerde 6, áıelderde 1 joldama bar.