Olımpıadaǵa irikteý: Qazaqstan hokkeı quramasynyń oıyndary qaı telearnadan kórsetiledi

ASTANA. KAZINFORM – Shaıbaly hokkeıden Qazaqstan quramasynyń fınaldyq olımpıadalyq irikteý kezeńindegi oıyndary qaı telearnadan kórsetiletini belgili boldy. 

Fınaldyq olımpıadalyq irikteý oıyndary Slovakııanyń Bratıslava qalasynda 29 tamyz-1 qyrkúıek aralyǵynda bolady. Qazaqstandyq hokkeıshiler Avstrııa, Vengrııa jáne Slovakııa quramalarymen kezdesedi.

Jarystyń atalǵan satysyndaǵy barlyq oıyndar «Qazsport» telearnasynan tikeleı efırde kórsetiledi.

Oıyndar kestesi:

29.08.2024. 17:00 – Qazaqstan – Vengrııa
30.08.2024. 17:00 – Qazaqstan – Avstrııa
01.09.2024. 21:00 – Slovakııa – Qazaqstan

Qazaqstandyq sportshylar Qysqy Olımpıadada 1998, 2006 jyldary baq synaýǵa múmkindik aldy. 1998 jyly jalpy komandalyq esepte segizinshi orynǵa turaqtady. 2006 jyly toptyq kezeńde besinshi oryndy qanaǵat tutyp, jarysty jalǵastyrýdan tys qaldy.

Al 2002, 2010, 2014, 2018, 2022 jyldarda irikteý kezeńinen asa alǵan joq.

Eske salsaq, shaıbaly hokkeıden QR Prezıdenti kýbogynda Qazaqstan olımpıadalyq quramasy ekinshi oryn aldy.