Olımpıadaǵa irikteý: Qazaqstan áıelder quramasy búgin Islandııamen kezdesedi

ASTANA. KAZINFORM – Slovakııanyń Peshtıanı qalasynda áıelder arasyndaǵy shaıbaly hokkeıden Olımpıadaǵa irikteý týrnırinde Qazaqstan búgin Islandııamen kezdesedi.

Qazaqstandyq hokkeıshiler D tobynda synǵa túsip jatyr. Qarsylastary – Slovakııa, Slovenııa jáne Islandııa. 

Qazirge deıin el quramasy Slovakııaǵa 1:8 esebimen jeńilse, Slovenııany 3:0 esebimen tize búktirdi. 

Atalǵan topta eki týrdan keıin Slovakııa alty upaımen kósh basynda tursa, odan keıin Qazaqstan men Slovenııanyń enshisinde úsh-úsh upaıdan bar. Al Islandııa ázirge upaı enshilegen joq.

Bul toptan tek bir ǵana jeńimpaz Olımpıadanyń kelesi irikteý kezeńine joldama alady.

Qazaqstandyq hokkeıshiler 2002 jyly Olımpıadaǵa qatysyp, onda jalpy esepte segizinshi orynǵa taban tiredi. 

Qazaqstan quramasy oıynshylarynyń tizimi:

Qaqpashylar: Polına Govtva («Torpedo», Óskemen), Arına Şekolova («Tomırıs», Astana)

Qorǵaýshylar: ıÝlııa Býtorına, Aleksandra Voronova, Darııa Moldabaı («Tomırıs», Astana), Katrın Meskını, Polına ıAkovleva («Torpedo», Óskemen), Anna Pıatkova, Ajar Hamımýldınova («Aısulý», Almaty)

Shabýylshylar: Malıka Aldabergenova, Pernesh Áshimova, Alına Ivanchenko, Tatıana Koroleva, Larısa Svırıdova, Madına Týrsynova, («Aısýlý», Almaty), Ekaterına Kýtsenko, Anastasııa Orazbaeva, Nadejda Fılımonova, Aleksandra Shegaı («Tomırıs», Astana), Sofııa Zýbkova, Dılnaz Saıahatqyzy, Mýnıra Saıahatqyzy («Torpedo», Óskemen).