Olımpıadaǵa lıtsenzııa alý josparymyz bar – stend atýdan QR komandasynyń bas bapkeri

Parıj Olımpıadasyna lıtsenzııalar alý josparymyz bar. Bul týraly stend atýdan Qazaqstan komandasynyń bas bapkeri Sergeı Kolos Qytaıdaǵy Azııa oıyndarynda áıelder komandasynyń «altyn» alýyna qatysty pikir bildirgen kezde aıtty, dep habarlaıdy QazAqparat.

«Azııa oıyndarynda áıelder komandasy birinshi oryn aldy. Bul – Qazaqstan delegatsııasynyń alǵashqy «altyny». Qazirgi ýaqytta eki qyzymyz fınalǵa shyqty. Olar: Ásem Orynbaı men Olga Panarına. Olar fınalda óner kórsetetin bolady, múmkindik bar.

Týrızm jáne sport mınıstrligi jan-jaqty qoldaý kórsetti. Oqpen, saparlarmen, tipti charterlik reıspen de qamtamasyz etti. Munyń bári oń áserin tıgizdi. Josparymyzda Olımpıada lıtsenzııalaryn jeńip alý bar», – dedi Sergeı Kolos elimizdiń Týrızm jáne sport mınıstrligi usynǵan vıdeoda.

Aıta keteıik, búgin Hanchjoýda (QHR) ótip jatqan Azııa oıyndarynda stendtik atýdan Qazaqstan áıelder quramasy altyn medal jeńip aldy. Keıin jeke synda taǵy eki otandasymyz – Ásem Orynbaı men Olga Panarına aqtyq kezeńge ótkeni málim boldy.