Olımpıadaǵa qatysatyn qazaqstandyq sportshylar Býenos-Aıreske kelip jetti

ASTANA. QazAqparat - Qazaqstan quramasy ІІІ Jasóspirimder oıyndaryna qatysý úshin Argentınanyń Býenos-Aıres qalasyna kelip jetti, dep habarlaıdy «SPORTINFORM».

QR Ulttyq olımpıada komıtetiniń málimetinshe, sportshylar dittegen jerge jetý úshin 27 saǵat boıy ushqan. Elordadan Argentınanyń astanasyna deıingi sapar kezinde olar Ystanbul jáne San-Paýlý qalalaryna ǵana aıaldaǵan. Búginde sportshylar Olımpıada qalashyǵyna jaıǵasyp úlgerdi. 6 qazan kúni alǵashqy jattyǵýlar bastalady.

Eske sala keteıik, Jasóspirimder olımpıadasyna Qazaqstan atynan 58 atlet qatysyp jatyr