Olımpıadaǵa qatysqan Marııa Brovkova álem chempıonatynyń qola júldesin jeńip aldy
ORAL. KAZINFORM — Ózbekstannyń Samarqan qalasynda baıdarka men kanoe esýden eresekter arasynda ótip jatqan álem chempıonatynda batysqazaqstandyq Marııa Brovkova júldegerler qatarynan kórindi.
Marııa 500 metr qashyqtyqta kanoe esýden qola júldeni jeńip aldy.
Qazaqstandyq eskek esý sheberi ýkraınalyq jáne chılılik sportshydan keıin máre syzyǵyn úshinshi bolyp qıdy. Bul – 19 jastaǵy Marııa Brovkovanyń eresekter arasynda álem birinshiligindegi alǵashqy medali. Buǵan deıin ol jasóspirimder arasynda top jarǵan bolatyn.
Atalmysh chempıonat odan ári jalǵasýda.
Marııa Brovkova sonymen qatar mıkstan (eki er, eki áıel adam) 500 metr qashyqtyqta fınalǵa shyqty. Fınaldyq júzý keıin bolady.
Eske sala keteıik, budan buryn Marııa Brovkovanyń Olımpıadada el úmitin aqtaýǵa kúsh salatyny týraly jazǵan bolatynbyz.
