Olımpıadaǵa irikteý týrnıri: Qazaq boksshylary fınalda kimdermen synǵa túsedi
NUR-SULTAN. QazAqparat – Búgin Iordanııanyń Amman qalasynda ótip jatqan bokstan Olımpıadaǵa irikteý týrnıri óz máresine jetedi, dep habarlaıdy QazAqparat tilshisi.
Bir aptadan artyq ýaqytqa sozylǵan Olımpıada joldamasy sarapqa salynǵan týrnırdiń búgin sońǵy kúni. Keshe jartylaı fınaldyq básekeler tolyǵymen aıaqtalyp, fınalıster belgili boldy. Olardyń qatarynda 4 qazaqstandyq bylǵary qolǵap sheberi bar.
Atap aıtsaq, fınalǵa 63 keli salmaqta Zakır Safıýllın, 75 keli salmaqta Ábilhan Amanqul, 81 keli salmaqta Bekzat Nurdaýletov jáne 91 keli salmaqta Vasılıı Levıt ótken bolatyn. Búgin atalǵan tórt boksshymyz altyn medal úshin sharshy alańǵa shyǵady.
Zakır Safıýllınniń fınaldaǵy qarsylasy ózbek boksshysy Elnýr Abdýraımov, bolsa, Ábilhan Amanqul fılıppındik Eýmır Marsıalmen judyryqtasady.
Al 81 kelige deıingi salmaqta Bekzat Nurdáýletovpen avstralııalyq boksshy Paýlo Aokýso qolǵap túıistiredi. Tórtinshi boksshymyz Vasılıı Levıt Jańa Zelandııa ókili Devıd Nıkamen altyndy sarapqa salady.
