Olımpıadaǵa irikteý týrnıri: Boksshy Ábilhan Amanqul jekpe-jekti jeńispen bastady
Otandasymyz alǵashqy aınalymda Ońtústik Koreıa boksshysy Kım Chje Jınseımen judyryqtasyp, aıqyn basymdylyqpen jeńiske jetti.
Asa tartysty ótken jekpe-jek qorytyndysy boıynsha tóreshiler bir aýyzdan Amanquldy jeńimpaz dep tapty. Osylaısha, jerlesimiz jarystyń 1/4 aınalymyna joldama aldy.
Endi Ábilhan Amanqul jartylaı fınalǵa ótý úshin ózbekstandyq Fanat Qahromonovpen qolǵap túıistiredi.
Esterińizge saa keteıik, osyǵan deıin Ǵalymbek Kenjebaev baptaıtyn taǵy eki boksshymyz sharshy alańǵa shyǵyp ekeýi de alǵashqy qarsylastarynan basym túsip kelesi aınalymǵa ótkenin jazǵan bolatynbyz.
Olardyń biri Zákir Safıýllın bolsa, ekinshisi Bekzad Nurdáýletov. Osylaısha búgin sharshy alańǵa shyqqan 3 boksshymyzda jekpe-jegin jeńispen bastady.
Aıta keteıik, atalǵan irikteý týrnırde Olımpıada oıyndaryna barlyǵy 63 lıtsenzııa úlestiriledi. Joldamaǵa Qazaqstannan erlerden 8 salmaq, áıelderden 5 salmaq sanatynda jalpy 13 boksshy synǵa túsip jatyr.
Atap aıtqanda, erlerden 52 keli salmaqta Sáken Bıbosynov, 57 kelide Serik Temirjanov, 63 keli salmaqta Zákir Safıýllın synǵa tússe, qazaqtyń «salmaǵy» atanyp ketken 69 kelide Abylaıhan Júsipov el namysyn qorǵaıdy. Al 75 keli salmaq sanatynda Ábilhan Amanqul, 81 kelide Bekzad Nurdáýletov, 91 keli salmaqta Vasılıı Levıt Olımpıada joldamasyna talasady.
Áıelder boksynan 51 kelide Angelına Lýkas, 57 kelide Dámetken Kelimbet sharshy alańǵa shyǵady. 60 keli salmaqta Rımma Volosenko, 69 kelide Valentına Halzova synǵa tússe, 75 keli salmaqta Nadejda Rıabets judyryqtasady.