Olımpıadaǵa irikteý týrnıri: Abylaıhan qarsylasyn tehnıkalyq nakaýtpen utty
Álemde «qazaqtyń» salmaǵy atynyp ketken 69 kelide el namysyn qorǵap júrgen Abylaıhan búgin alǵashqy aıqasynda mońǵolııalyq Mıshıl Battómórge qarsy ótkizdi. Asa tartysty ótip jatqan jekpe-jektiń úshinshi raýndynda qarsylasynyń qabaǵy jarylyp ketti. Ókinishke qaraı, aýyr jaraqat alǵan monǵolııalyq boksshyǵa rıngidegi tóreshi ary qaraı jekpe-jeti jalǵastyrýǵa jol bermedi. Nátıjesinde, alǵashqy raýndtarda basymdyq tanytyp kele jatqan Júsipovti tóreshiler bir aýyzdan jeńimpaz dep tapty.
Osylaısha Ǵalymbek Kenjebaev baptaıtyn ulttyq qurama boksshylary ázirge jeńilissiz kele jatyr.
Osyǵan deıin habarlaǵanymyzdaı erler arasynan sharshy alańǵa birinshi bolyp shyqqan 63 keli salmaqta Zákir Safıýllın, ekinshi ret sharshy alańǵa kóterilgen 81 keli salmaqtaǵy Bekzat Nurdáýletov jáne qazaqstandyqtar sapynan erler arasynda úshinshi bolyp aıqasyn ótkizgen 75 keli salmaqtaǵy Ábilhan Amanqul da alǵashqy aıqasyn jeńispen bastaǵany týraly jazǵan bolatynbyz.
Jalpy, atalǵan Amman qalasynda ótip jatqan olımpıadalyq irikteý týrnırine bas bapker Kenjebaev 8 boksshyǵa úmit artyp alyp kelgen bolatyn.
Olar 52 keli salmaqta Sáken Bıbosynov, 57 kelide Serik Temirjanov, 63 keli salmaqta Zákir Safıýllın, 69 kelide Abylaıhan Júsipov, 75 keli salmaqta Ábilhan Amanqul, 81 kelide Bekzad Nurdáýletov, 91 keli salmaqta Vasılıı Levıt jáne asa aýyr salmaqta (+91) Qamshybek Qońqabaev bar.