Olımpıadaǵa daıyndyqty bastaımyn - Azııa chempıony atanǵan semeılik balýan
SEMEI. QazAqparat – Erkin kúresten eki dúrkin Azııa chempıony atanǵan Danııar Qaısanovty jerlesteri Semeı áýejaıynan qarsy aldy, dep habarlaıdy QazAqparat.
Úndistan astanasy Nıý-Delıde 74 kelige deıingi salmaqta synǵa túsken D. Qaısanov qarsylas shaq keltirmegen bolatyn.
Búgin kók týymyzdy jelbiretken balýan elge oraldy. Áýejaıda ony jerlesteri, týǵan-týysqandary men dostary qushaq jaıa qarsy aldy.
«Otandastarymnyń úmitin aqtaǵanyma bek qýanyshtymyn. Osyndaı sátter úshin aıanbaı ter tógý turarlyq is. Qysqa merzimdik demalystan keıin Olımpıada oıyndaryna daıyndala bastaımyn», – deıdi chempıon.
