Olımpıadaǵa baratyn bıatlonshylar qańtarda belgili bolady

ASTANA. QazAqparat - Almaty oblysyndaǵy «Alataý» sport kesheninde Qazaqstannyń tórtinshi qysqy spartakıadasy bastaldy, dep habarlaıdy QazAqparat.

Spartakıadaǵa elimizdiń 9 aımaǵynan kelgen 125 úmitker baq synap jatyr. Jarysty birinshi bolyp, bıatlonshylar bastaldy. Olar aldymen aralas estafetada baq synap, sheberlikterin kórsetti. Jarystyń alǵashqy kúni Alına Raıkova men Tımýr Hamıtgatın juby top jarsa, Galına Vıshnevskaıa men Vasılıı Podkorytov ekinshi oryndy ıelendi. Al Lıýdmıla Ahatova men Vladıslav Kıreev juby qola medaldi qanaǵat tutty.

Bul doda sportshylarymyz úshin Ońtústik Koreıada ótetin XXIII qysqy Olımpıada oıyndary aldyndaǵy úlken daıyndyqtyń biri ekeni daýsyz.

Bapkerler sózine sensek, bıatlonshy qyz-jigitter qysqy Olımpıadaǵa tolyqtaı daıyn kórinedi. 

Osy jarystan keıin, Qazaqstan quramasy Italııa men Germanııada ótetin álem kýbogynyń kezeńderinde baq synaıdy. Tórtjyldyqtyń basty dodasynda el namysyn kimder qorǵaıtyny osy kezeńderdiń qorytyndysy boıynsha qańtar aıynyń sońynda belgili bolady.