Olımpıadaǵa bara jatqan: Aqtóbede 2 oqýshy men muǵalim kóz jumdy
«Samara – Shymkent» tasjolynda bolǵan jol-kólik apatynan eki oqýshy men muǵalim qaza tapty, dep habarlaıdy Kazinform.
Oqıǵa búgin, saǵat 08:45–te «Samara — Shymkent» trassasynyń Yrǵyz aýdany Qyzyljar aýyly mańynda boldy.
«Qazir oqıǵanyń mán-jaıy anyqtalyp jatyr. Oqıǵaǵa kýá bolǵandardyń aıtýynsha, apat saldarynan 3 adam qaza tapqan. Olar — respýblıkalyq olımpıadanyń aýdandyq kezeńine qatysýǵa bara jatqan 2i oqýshy men 1 muǵalim. Basqa málimetter aqparat túsken boıda habarlanady», — dedi Aqtóbe oblystyq Bilim basqarmasynyń basshysy Jaıyq Sultan.
Polıtsııa mán-jaıdy anyqtaýǵa kiristi.
«Jol-kólik oqıǵasy saldarynan er adam jáne 16 jastaǵy eki oqýshy oqıǵa ornynda qaza tapty. Osy fakti boıynsha sotqa deıingi tergeý bastaldy. Mán-jaǵdaı anyqtalyp jatyr», — dedi oblystyq PD baspasóz qyzmetiniń jetekshisi Erbolat Sarqulov.
Buǵan deıin Yrǵyz aýdanynyń ákimdigi Toyota Alphard mashınasy júk kóligine soǵylǵanyn málim etken edi. Taksı kóliginde júrgizýshiden bólek, 5 oqýshy men 1 pedagog bolǵan.
