Olımpıadaǵa aǵa leıtenant bolyp baryp, kapıtan sheninde oraldym – Ǵusman Qyrǵyzbaev
ALMATY. KAZINFORM – Olımpıadanyń qola júldegeri Ǵusman Qyrǵyzbaev aǵa leıtenant bolyp baryp, kapıtan bolyp qaıtty.
Aǵa leıtenant Ǵusman Qyrǵyzbaev – Qorǵanys mınıstrligi Ortalyq sport klýbynyń áskerı qyzmetshisi.
«Maǵan qoldaý bildirgen Qazaq eline alǵysymdy aıtamyn. Men Olımpıadaǵa aǵa leıtenant bolyp baryp, kapıtan sheninde oraldym. Jarysqa árbir sportshy altyn alamyn dep shyǵady. Men barymdy saldym. Kútpegen jerden qola medalǵa ıe boldyq,- dedi dzıýdoshy.
Aıta keteıik, olımpıadanyń barlyq jeńimpazdarymen birge Ǵusman Qyrǵyzbaevty da Almaty garnızonynyń áskerı qyzmetshileri jáne áriptesteri qarsy aldy.
Almaty dzıýdo federatsııasy Ǵusman Qyrǵyzbaevqa kólik syılady.
Esterińizge sala ketsek, Qyrǵyzbaev alǵashqy aınalymda ıspanııalyq tatamı sheberi Davıd Garsııa Tornemen beldesip, qarsylasyn jarys jolynan taıdyrsa, ekinshi beldesýinde Olımpıada oıyndarynyń eki dúrkin jeńimpazy Ońtústik Koreıa ókili An Baýldan aılasyn asyryp, shırek fınalǵa shyqty. Jartylaı fınalda 24 jastaǵy brazılııalyq dzıýdoshy Vıllıan Lımadan utylyp qaldy. Qola medal úshin beldesýde serbııalyq tatamı sheberin jeńip, qola júldeger atandy.
Aıta keteıik, Ǵusman Qyrǵyzbaev – 2021 jylǵy álem chempıonatynyń kúmis júldegeri, 2019 jáne 2022 jyldary ótken Azııa birinshilikteriniń qola medal ıegeri.
