Olımpıadada jeńiske jetken jeńil atletterge birinshi ret syıaqy taǵaıyndalady
ASTANA. KAZINFORM — Frantsııa astanasy Parıj qalasynda ótetin XXXIII jazǵy Olımpıada oıyndarynda jeńiske jetken jeńil atletter tuńǵysh ret World Athletics tarapynan 50 000$ kóleminde syıaqy alady.
Bul bastamany bıyl alǵash ret álemdik jeńil atletıka uıymy qolǵa alyp otyr. Atalǵan uıymnyń bastamasymen Olımpıada oıyndarynda 48 dıstsıplınanyń birinde jeńiske jetken árbir atlet World Athletics tarapynan 50 000$ kóleminde syıaqy alady.
Aıta keteıik, Olımpıada oıyndarynda eń kóp júlde jıyntyǵy da osy jeńil atletter arasynda oınatylady. Olardyń arasynda júldege talasatyn qazaqstandyq sportshylarymyz da bar.
Quramadaǵy tájirıbıeli sportshylardyń qatarynda Azııa oıyndarynyń jeńimpazy Olga Safronova, álem chempıonatynyń qola júldegeri Nadejda Dýbovıtskaıa, 2022 jylǵy álem chempıony Nora Djerýto, Azııa oıyndarynyń qola júldegeri Deızı Djepkemeı bar.
Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr. Qazaqstan quramasy Olımpıada oıyndaryna sporttyń 25 túrinen 92 joldama jeńip aldy.
Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.
