Olımpıadada qansha álemdik rekord jańardy
ASTANA. KAZINFORM – Frantsııa astanasy Parıj qalasynda ótetin HHHІІІ jazǵy Olımpıada oıyndary jaqyndaǵan saıyn sport jankúıerlerin, «Qaı el qansha medal alady? Olımpıadada kimder rekord jasaıdy? Kimder jarq etip jasyndaı jarqyraıdy?» degen suraqtar mazalap júrgeni aıdan anyq.
Biz búgin sońǵy Afına Olımpıadasynan beri qaraıǵy Tokıo oıyndaryna deıingi tórtjyldyq basty básekede qansha álemdik rekord jasalǵanyn oqyrman nazarlaryna usynamyz.
- Afına Olımpıadasy - 47 álemdik rekord;
- Pekın Olımpıadasy - 34 álemdik rekord;
- London Olımpıadasy - 32 álemdik rekord;
- Rıo Olımpıadasy - 27 álemdik rekord;
- Tokıo Olımpıadasy - 17 álemdik rekord.
Al bıyl Parıjde kimder qansha rekord jasaı alady? Ony aldaǵy ýaqyt kórsete jatar.
Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr. Qazaqstan quramasy Olımpıada oıyndaryna sporttyń 25 túrinen 80 joldama jeńip aldy. Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi.
Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.
