Olımpıadada barlyq qarsylas birdeı bolady – Nazym Qyzaıbaı

PARIJ. KAZINFORM — Frantsııa astanasy Parıj qalasynda ótip jatqan Olımpıada oıyndarynda el namysyn qorǵap jatqan Nazym Qyzaıbaı jekpe-jekten keıingi áserimen bólisti.

«Jekpe-jek oıymdaǵydaı ótti. Endi budan da jaqsy óner kórsetý kerek dep oılaımyn. Alda taǵy da úlken aıqastar kútip tur. Ár jekpe-jekke úlken daıyndyqpen kelýim kerek. Olımpıadada barlyq qarsylas birdeı bolady. Kim psıhologııalyq turǵydan daıyn bolsa, sol jeńiske jetedi. Chempıondardy kórip jatyrsyzdar. Ár jekpe-jekke daıyn bolýym kerek. Jeńis úshin barymdy salamyn. Qoldaǵandaryńyzǵa raqmet», - dedi Nazym Qyzaıbaı.

Aıta ketsek, boksshymyz búgin 1/8 fınalda brazılııalyq K.Barbosany jarys jolynan shyǵardy. Nazym Qyzaıbaı alǵashqy jekpe-jeginde Italııa boksshysy Djordana Sorrentınony jeńgen edi. Búgin Parıj Olımpıadacynda qazaqstandyq sportshylar sporttyń 4 túrinen – sadaq atý, nysana kózdeý, dzıýdo jáne bokstan synǵa túsip jatyr.

Endi alda taǵy eki boksshymyz sharshy alańǵa shyǵady. Atap aıtsaq, 63,5 keli salmaqta erler arasynda Muhammedsabyr Bazarbaıuly men 92 kelide Aıbek Oralbaı shırek fınalda judyryqtasady.