Olımpıada júldegerlerin óńirlerge at minip, shapan kııý úshin emes sportty nasıhattaý úshin jiberý qajet - QR Memlekettik hatshysy
ASTANA. 20 maýsym. QazAqparat - Olımpıada júldegerlerin óńirlerge sportty nasıhattaý úshin jiberý qajet.
Bul týraly búgin Aqordada ótken sporttaǵy joǵary jetistikter men dene shynyqtyrýdyń odan ári damýyna arnalǵan respýblıkalyq keńes barysynda QR Memlekettik hatshysy Muhtar Qul-Muhammed aıtty.
«Árıne, qazirgi kezde bizdiń sportshylardyń báriniń nazary olımpıadaǵa aýyp ketkeni túsinikti. Biraq, qaıtyp kelgennen keıin sizder arnaıy jospar jasaýlaryńyz kerek. Oǵan saı sportshylardyń barlyǵy, ásirese olımpıadanyń chempıondaryn, kúmis, qola júldegelerin óńir-óńirge bólip jiberý kerek. Onda olar toı toılap, shapan kıip, at minip júrmeı, stýdentterdiń ortasyna baryp, kezdesýler ótkizsin. Kostıýmderin sporttyq kıimge almastyryp, sport zalynda solarmen birge jattyqsyn. Bul áldeqaıda tıimdi bolady dep oılaımyn», - dedi ol QR Sport jáne dene shynyqtyrý agenttiginiń tóraǵasy Talǵat Ermegııaevke qarata.
Bul rette M.Qul-Muhammed Memleket basshysy Elbasy N.Nazarbaev qaı óńirge barsa da, janyna sportty serik etip, ony únemi nasıhattaıtynyn basa aıtty.
«Minekeı sol jaǵynan kelgen kezde olımpıada chempıonymen birge bir zalda shuǵyldandym degen sózdi olar ómir boıy umytpaıtyn bolady. Patrıottyq tárbıeleý osyndaıdan bastalady. Osyǵan nazar aýdarý kerek dep esepteımin», - dedi ol.
