Olımpıada júldegerleri jańa avtokólik alady
«Qazaqstannyń Aýyr atletıka federatsııasy Tokıodaǵy Olımpıadanyń qola júldegerleri Igor Son men Zýlfııa Chınshanlony jańa «Toyota Camry» avtokólikterimen marapattaıdy, sonymen qatar quramanyń bas bapkeri aqshalaı yntalandyrylady. Avtokólikterdiń kiltin jaqyn arada Nur-Sultanda QR Aýyr atletıka federatsııasynń prezıdenti Janat Túsipbekov tabystaıdy», - delingen QR AAF baspasóz qyzmetiniń habarlamasynda.
Tokıodaǵy Olımpıada oıyndarynda Igor Son 61 kılogramǵa deıingi, al Zýlfııa Chınshanlo 55 kılogramǵa deıingi salmaqta úshinshi bolyp, «qola» aldy.
28 shilde kúni sportshylar Qazaqstanǵa oraldy, olardy Almaty áýejaıynda saltanatty túrde kútip aldy. Qurmet kórsetý rásimine atletterdiń jaqyndary men týystary, olarmen qosa Aýyr atletıka federatsııasynyń jáne Almaty oblysy ákimdiginiń ókilderi, jankúıerleri men BAQ ókilderi qatysty.
